هام لمن يريد استكمال دراسات عليا ( قسم الإرشاد النفسي ) جامعة القاهرة

إلى 

 

 

البوست ده مهم جدا لو انت متلخبط ومش عارف تعمل ايه في موضوع الدبلومات 🤔🤔
_____________________________________________
طيب مبدأيا
الدبلومه العامه#
لو انت خريج اي كليه غير تربيه فانت محتاج تاخد الدبلومه العامه اللي هي بيسموها تربوي طيب انا باخد الدبلومه دي ليه ....؟!
اولا: لو انت حابب تشتغل مدرس فالدبلومه دي شرط أساسي دلوقتي عشان تشتغل مدرس سواء في خاص او حكومي
ثانيا : طب انا مش عايز اشتغل مدرس اخدها ليه برضه ...؟!
عشان حاجتين
( اولا ) انك مجبتش تقدير في كليتك ياهلك انك تكمل فيها فالدبلومه العامه بتديك فرصه تانيه انك تكمل طريق الدراسات العليا لحد الماجستير والدكتوراه
(والحاجه التانيه ) عشان لو عايز تغير تخصصك وتدرس حاجه نفسك فيها فالدبلومه العامه شرط انك تاخدها عشان تقدر تاخد الدبلومه الخاصه بعدها وتتخصص في المجال اللي انت عاوزه

طيب الدبلومه المهنيه#
دي بقي لخريجي تربيه والحاصلين علي دبلوم عام
ميزتها انك بتدرس كم مواد رهيب في تخصص معين فبتاهلك انك تكون مهني في التخصص ده عشان كده اسمها مهنيه
طيب انا واحد درست الدبلوم العامه ليه ادرس مهنيه مع اني ممكن اخد الخاصه ع طول واختصر سنه من حياتي ..؟!
هاقولك .. لو انت بتدور علي الخبره العلميه بجد فالدبلومه المهنيه هتاهلك وتفهمك كتير عن الدبلومه الخاصه
أما لو انت عايز توصل الماجستير ع طول يبقي خلاص خد الخاصه بعد العامه
بس بالله عليك افهم كويس أن مواد الخاصه مش هتاهلك انك تكون متخصص في مجال مش بتاعك هي بس سلمه وشرط لأنك تكمل ماجستير مش اكتر لكن هي لوحدها مش كفايه اطلاقا

الدبلومه الخاصه بقي#
دي بتاخدها بعد العامه او المهنيه وميزتها أنها شرط أساسي لأنك تكمل ماجستير وبتعرف فيها ازاي تعمل خطه بحثيه وازي تكون باحث في تخصصك بالاضافه لبعض مواد التخصص
طيب انا دلوقتي خلصت العامه والخاصة من جامعه وعايز اكمل ماستر في جامعه تانيه .... مافيش مشكله
لكن لو اخدت التمهيدي من جامعه فلازم تكمل فيها

ودي مواعيد التقديم 👇