ايه المقصود بالنشر... وايه المجلات الدولية ومعامل التاثير والمجلات المفترسة وقائمة سكوبس
اولا النشر في المجلات العلمية
النشر بقي شرط تشكيل عند الغالبية من الجامعات حاليا ...طيب ايه هو بحث النشر واية الشروط .....الخ
معلهش نتكلم بصراحة في النقطة دي شوية
دلوقت كل كلية تقريبا عملت مجلة خاصة بيها او كل قسم كمان في انت ريح نفسك من الاول كدا وانشر في مجلة القسم بتاعك افضل ومتسالش افضل لية وافهمها لوحدك
اما بقا عن شروط بحث النشر فهو بيكون زي بحث مختصر من رسالتك يعني هتكتب الضروري فقط من رسالتك وهي
1= مستخلص عربي وانجليزي
2- جزءمن المقدمة اللي هو صلب الموضوع
3- المشكلة والاهمية والاسئلة والمصطلحات وممكن جزء من الدرسات السابقة الحديثة والمهمة وجزء من صلب الاطار النظري والنتائج والتوصيات 4- طبعا لازم تكون مراجعة لغويا قدر الامكان
هتحاول يكون البحث في الحد الادنى من الصفحات المطلوبة للنشر عشان التكلفة المادية
تنسيق النشر بيكون وفقا للبرتوكول اللي معتمداه المجلة وغالبا هما بياخدوا منك النسخة وورد وهما بيتصرفوا
يفضل ان عنوان البحث يكون هو نفسة عنوان الرسالة لكن ان يكون شرط اساسي التطابق دي تسال فيها القسم بتاعك والمشرف
يفضل ان البحث يكون بالتنسيق مع المشرف عشان هو هيتكنب مؤلف مشارك معاك
اما عن التكلفة فبتختلف من مجلة للتانية وانت وحظك في مجلة قسمك
اما بقى النشر في المجلات الدولية....
بعض الدول زي العراق مثلا بتشترط على الباحث النشر في مجلات دولية ذات معامل تاثير
والمجلات الدولية دي مجلات علمية بتكون شروط ومعايير النشر فيها اصعب من المحلية والتحكيم بيكون اقوى يعني باختصار مش بتقبل باي ابحاث تنشر فيها وخلاص لازم تكون ابحاث قوية... لان معامل التاثير للمجلات دي بيكون عالي
طيب ايه هو معامل التاثير
دي رقم نتيجة معادلة بيتم فيها قسمة عدد مرات الاقتباس المأخوذة من المجلة في فترة زمنية محددة وقسمتها على عدد صفحات المجلة.... وكل ما زاد معامل التاثير كل ما زادت قيمة المجلة العلمية وقوتها وبالتالي قيمة النشر فيها
لكن ممكن التلاعب في معامل التاثير عادي بالاتفاق مع الباحثين من الباطن على الاستعانة بصفحات المجلة والاقتباس منها في ابحاثهم المنشورة لكن الى الان التلاعب دا يعتبر محدود وضيق
اية بقا المجلات المفترسة
دي مش مجلات وانما عبارة عن مواقع بتنتحل صفة المجلات وبتزور علاماتها وصفحاتها لكن مش هي بهدف الربح المادي...
طيب انا كباحث هفرق ازاي بين المجلة الاصلية والمفترسة او المزورة...؟
اولا بالكشف عنها في قائمة سكوبس اذا كانت المجلة ذات معامل تاثير ومسجلة وتعرف الرابط منها
ثانيا المجلات الاصلية ليها اجراءات روتينية بتاخد وقت وبتطلب مبالغ النشر بعد التحكيم انما المفترسة بتطلب المقابل الاول واجراءتها اسرع
ثالثا سؤال حد ثقة يكون سبق وتعامل مع مجلة ونشر فيها
تبقى القول ان معامل التاثير مش ثابت وبيتغير كل فترة يعني ممكن مجلة يكون تقييمها عالي وتنزل او تطلع وهكذا
بالتوفيق للجميع
ليست هناك تعليقات:
إرسال تعليق