نضسحة هامة بشأن المراجع في الأبحاث والرسائل

أولا لما أبدأ في الرساله أعمل فولدر خاص بالريفرنس أو المراجع احط فيه أي مرجع بستخدمه و كمان أكتب الاختصار بتاعه داخل الرساله عشان مش في الآخر أضغط و أرجع أدور

ثانيا دائما أجيب مراجع حديثه عشان في الآخر المشرفين هيخلوني أحدث كله
ثالثا بقي و دي اللي كتبت البوست عشانها هي أن لما يعجبني بيبر و مش عاوزه أتعب في تجميع الريفرنس و هي أني أجيب أسم العالم و البلد و اسم الموضوع و ال volume و ال issue و ال page number هلاقي كل دا مكتوب و متنسق بدون أي مجهود و كمان ب 3 طرق لكتابه المرجع من ضمنهم طريقه ال APA
حلو جدا هلاقي دا فين
أولا أنا لما ابحث عن موضوع هبحث عليه علي جوجل العادي خالص اللي ببحث عليه علي اي حاجه ليه بقي لأنه بيجبلي الموضوع بتاعي اللي ببحث عليه سواء منشور في أي مكان أو حتي مكتوب بصيغه مختلفه
تمام بعد ما جوجل طلع الموضوعات أختار الموضوع اللي أقرب ما يكون للبحث بتاعي و أفتحه و بعدين هلاقي مكتوب اسم البيبر بالكامل و عجبني الموضوع و أخدت جزء منه بس عاوزه المرجع بدون ما أتعب زي ما أتفقنا
هأخد أسم الموضوع من الجوجل العادي بعمل كوبي و بعدين أروح أفتح الباحث العلمي أو جوجل أسكولر و أعمل فيه past لأسم الموضوع اللي محتاجه المرجع بتاعه
و طالما أسم الموضوع كامل هيظهر لي في الجوجل أسكولر و بعد ما يظهر هيكون مكتوب تحته 2 كوما هضغط عليهم ضغطتين هيظهر مربع مكتوب فيه المرجع كامل و ب 3 طرق مختلفه و من ضمنهم ال APA هخده كوبي بالطريقه اللي أنا بستخدمها و هحطه في الفولدر اللي قولتلكم عليه في الأول
ممكن تقولوا ليه مش بنبحث علي الجوجل أسكولر من الأول
السبب هو أن الجوجل أسكولر لا يظهر البيبر إلا المكتوب عنوانها بشكل كامل
هو الكلام كتير عشان التوضيح خصوصا للمبتدئين بس التنفيذ سهل جدا و أن شاء الله هيريحكم جدا خلال البحث كله و تجميع المراجع
يارب أكون قدرت أفيدكم بحاجه
فضلا و ليس أمراً تدعولي بالتوفيق مناقشه رساله الدكتوراه الخاصه بي الاثنين القادم بأمر الله
الصور الموجوده للتوضيح
و بجيب جوجل أسكولر من جوجل العادي برده بكتب في خانه البحث الباحث العلمي أو Google scholar

منقول"