طرح نادي غزل المرحله في البورصه:رياضه و كده فمفيش كررركرر
الموضوع لطيف واول مره يحصل في تاريخ البورصه المصريه منذ نشاطها في سنه ١٩٩٥، فكره سهم معبر عن نادي رياضي، الاستثمار هنا في تقديري موش مربوط بافكار الاستثمار التقليديه عن الاصول و المنتجات و لكن فكره لعيب يكسب فتقدر تبيعه بعائد ضخم، النوادي الرياضيه استثمار في القدره علي الابداع، تقدر تدرب كام لعيب و هما صغار السن و تحافظ عليهم و يدخلو مباريات و يظهرو مهارات فتقدر بعد كده تبيعهم و تحقق منهم عائد ؟، و العائد مستمر طالما اللعيب مستمر في التطور و الانتقال لانديه اخري، الحلم طبعا انك تلاقي محمد صلاح كتير
هيبقي عندنا لاول مره في مصر سهم مرتبط بماتش كوره، هل هنشوف سهم يطلع مع كل مره نادي غزل المحله يكسب و لا هيكون ايه ؟، تجربه الطرح قائمه علي شراء اسهم زياده راس مال داخل شركه نادي غزل المحله، بمعني فلوسك داخل الشركه، محاوله تكرار لتجربه متميزه كانت في بورصه مصر في اواخر التسعينات اوائل الالفيه، حيث شركات مثل موبينيل و اسمنت قنا و بني سويف تم تاسيسهم عن طريق زياده راس مال في البورصه بالقيمة الاسميه، تجربه كانت مهمه جدا في تشجيع تاسيس الشركات عن طريق البورصه و الحصول علي رؤس اموال من البورصه، انت كمساهم بتدفع فلوس راس مال للشركه بقيمه التاسيس علي امل النجاح المستقبلي.
اظن موضوع يستحق المتابعه و هيكون فيه دروس كتير نتعلمها، تفاصيل كتيره زي كون النادي مملوك لكيان قطاع اعمال، الشفافيه هتكون عامله ازاي في الميزانيات، قدرتهم فعلا علي انتاج لاعبين مميزين و تحقيق عائد منهم، رد فعل البورصه و المتعاملين مع السهم.
ليست هناك تعليقات:
إرسال تعليق