.. تجميع مادة الرسالة وبداية الشغل
اصعب خطوة هي خطوة البداية وتكمن الصعوبة بتاعتها في انك بتحدد الطريق اللي هتمشي فيه وبتجمع المعدات االي هتساعدك في الطريق دا
اول حاجة هتعملها بعد التسجيل مباشرة انك تبدأ تقرا في موضوعك وتجمع البيانات او الداتا.... وعشان ميحصلش وتتوه او تتشتت او تمشي في طريق غلط حاول تخليك منظم من البداية
1.القراءة في منهجية البحث
طبعا انت بتكون درست في مرحلة التمهيدي مناهج بحث لكن انك تدرس عشان تمتحن حاجة وانك تقرأ عشان تطبق حاجة تانية.... هنا هتكون المفروض استقريت على منهج بحثي هتمشي علية سواء تاريخي او وصفي او تجريبي او غيرهم... بما يتلائم وموضوعك اللي انت سجلتة خلاص.... هتبدأ قراءة في منهج البحث دا بس بتأني وتركيز مش مذاكرة امتحان لا قراءة اللي بيتعلم للتعليم مش عشان يكتبهم في ورقة اجابة لان في فرق كبير بينهم
2.تجيب رسالة سبق واتعملت بنفس المنهج في القسم بتاعك وكليتك عشان تكون بنفس النظام اللي انتم بتشتغلوا بية وتلاحظ اللي انت سبق وقرأتة قبل كدا في منهج البحث على الرسالة
3.هنا التفاصيل مهمة جدا واهمها التوثيق وطريقة الاقتباس ونسبتة وطريقة الترقيم والتدرج فيها... وهكذا
كل الحاجات دي تكتبها زي مذكرات وملاحظات طول ما انت بتقرأ وبطبق المنهجية اللي هتشتغل عليها
4.لو كنت هتشتغل ميداني اقرأ في اداة الدراسة الميدانية اللي هتستخدمها استبانه او غيرها... ازاي بتتعمل واهم شروطها ومواصفاتها ومعامل الثبات والثقة يتحسب ازاي.... الخ ودي تكملة لشغل المنهجية بتاعك
### كل دا مش هياخد وقت كبير معاك بس هيوفرلك وقت كبير جدا بعد كدا وانت شغال في الرسالة
خلصت خلاص المنهجية واداة الدراسة ترتبت بقا افكارك وتكتب زي مسودة عدد الفصول المحاور لكل فصل العناصر الداخلية ولو حصل وجاتلك فكرة جديد او عنصر جديد تضيفة في المسودة ظي لانها هتستمر معاك لحد ما ربنا يكرمك وتخلص رسالتك على خير
هتتعرف بقا هتبدا تجمع انهي متغير الاول.. هتبدا البحث وتجميع الدراسات السابقة والمراجع ودا سبق واتكلمنا عنه في منشور الدراسات السابقة... واهم نقطة في المرحلة دي هو التنظيم في حفظ وتخزين المراجع والدراسات كل متغير ليه ملف لوحدة وهكذا
( منقول)
ليست هناك تعليقات:
إرسال تعليق